بيقمنت ذا بالم . .

الشدو البيقمنت او البيجمنت / هي الشدوات المنثوره والاغلب يشوف استخدامها صعبه ومو مريح عشانها تتناثر تحت العين .، بس لو استخدمتيها مع برايمر او فوق الشدو الكريمي يكون تركيزها وثباتها اقوى ولونها اجمل وانا اشوف البرايمر معاها ضروري بدونه راح يكون ثباتها بسيط . . 

البيقمنت اللي عندي من ذا بالم . . الماركه غنيه عن التعريف

البيقمنت نزلوا منه اربع الوان : لؤلؤي مايل للزهري / صدفي / برونزي / نحاسي

اللي عندي overrated : 

هو اللون اللؤلؤي الزهري مايل للزهري اكثر واشوفه اضاءه اكثر من انو شدو لونه مره جميل احسه خليط من ماري لو وساندي لو ❤️

استخداماته كثير وطبعاً للمناسبات لأنو لمعته للمناسبات اكثر شي ، لو بغيتي تسوي اللوك من ناعم الى فخم تحطي لمسه خفيفه منه فوق الشدو يصير مره حلوو وكمان تستخدم للوجه وللجسم ك اضاءه لمعتها تجنن 

اللون الثاني I'm single : 

اللي هو اللون البرونزي هذا اللون مررررره مره جميل لون الشوكلت بس زي ماقلت لو استخدم بدون برايمر ماراح يكون تركيز اللون قوي 

هذا اللون البرونزي بشكل اوضح ❤️

 سعره بالدولار 15

سعره عند التاجرات من 60 الى 80 ريال 

باليت أبلز / ذا بالم

باليت أبلز من ماركة ذا بالم 

يحتوي على ست الوان بألوان التفاح كريميه تستخدم ك بلاشر او روج . . 

الباكج زي ماتشوفون مرره جميل وكيوت وحجمه ناعم وهذا افضل شي عند ذا بالم مهما كانت احجام منتجاتهم كبيره تكون ناعمه وخفيفه تنحط بالشنطه 

هذا الباليت من داخل 

الوانه جمييييله جميله كثييير كلها فاتحه وناعمه اللون الاحمر اغمق لون بالباليت 

اللون اللي تحت الاحمر فيه لمعه خفيفه جاي على ذهبي ف ماحبيته كثير 

لون الكاندي جميييل بشكل كبير وطبيعي على الخد ولون الكارميل روووعه  

كل الالوان الكريميه لو وزعتيها على الخد بشكل صحيح تعطيك شكل طبيعي 

ماتحطيها لما تكون حاطه بودره على بشرتك ممكن تبقع وتخرب شكل البودره تكتفين بالفونديشن وتحطينها او بدون مكياج 

ثباتهم على الخد حلو ولو حطيتي فوقهم بلاشر بودر تثبت لوقت اطول 

ك ارواج تعتبر مرطبات ملونه فيها نسبة ترطيب حلووه والوانهم ع الشفايف جمييله ثباتهم ع الشفايف قليل بما انهم كريمين 

 

سواتش للالوان ❤️

تلاقونه اون لاين او عند التاجرات 

سعره حدود 150 او 160 ريال 💕

هايلايت ماري لو / كاندي لو

مقارنه بين هايلايت ماري لو وكاندي لو من ماركة ذا بالم . . 

-ماري لو 

لونها صدفي يناسب جميع الوان البشره لمعتها هاديه وناعمه وتقدرين تخلينها اوفر وتخلينها ناعمه كيف ماتبين تخلينها ، 

تحطينها بأماكن الاضاءه مدمع العين تحت الحاجب جسر الانف تحت الشفايف بالجبين على عظمة الخد 

بالنسبه لي مااستغنى عنها ابد ابد ابد تحلي المكياج والوجه ، ثباتها بالنسبه لي حلو ماتروح بساعه وتختفي 

اللي تبي هايلايت وتضمن انو يناسبها تاخذها 💕

-كاندي لو 

لونها زهري فاتح تناسب البشرات الفاتحه لونها هااااادي والبعض يقول انها ماتبان ع الوجه تناسب الوان معينه من المكياج لما تحطينها تبتعدين عن اي لون برونز والفونديشن يكون فاتح على لون بشرتك تعطي شكلي صحي ومورد للوجه تناسب النهار لانها ماتبان اوفر ابد واذا تبين واضحه تحطين اكثر من مره حلوه للجفن مع اللاينر 

انصح ب ماري لو اكثر لانها تناسبك بجميع الحالات

الشي السلبي فيهم :

بسهوله يتكسرون ف لازم تحافظين عليهم وماتشيلينهم بالشنطه لانو اقل حركه راح تتكسر 

تلاقونهم عند التاجرات او تطلبينهم اون لاين من موقعهم 

سعرها عند كل تاجره يختلف بس مايتعدى ١٢٠  ❤️

ماسكات العين و الوجه ،

الماسكات دايم تعطيك نتيجه فوريه مؤقته يعني استخدام لوقت المناسبه الا اذا استمريتي عليها وصرتي تستخدمينها بشكل يومي او كل يومين بتلاحظين النتيجه ببشرتك يوم او بعد يوم . . سوا ماسكات طبيعيه او تجميليه جاهزه . . ف دايم انصح انكم تستخدمون الماسكات يوم المناسبه او قبل المكياج بساعتين او ساعه عشان مكياجك يكون بأحلى شكل . . ودايم قبل استخدام اي ماسك نظفي بشرتك بغسولك المعتاد او ألة تنظيف البشره او مقشر خفيف عشان بشرتك تستفيد من الماسك اكثر

. 

. 

عندي ماسكات للوجه والعين من الجميله  / مصنوعين من مواد طبيعيه تساعد على شد البشره وتقليل من الهيجان للبشره الحساسه ولشد منطقة تحت العين وتقليل الانتفاخ والسواد ، الحلو فيهم انك تقدرين تستخدمين الماسك الواحد لأكثر من مره لين مايتغير لون الماسك او يجف وتحسيه مايعطي مفعول على بشرتك بس المهم تحتفظين فيهم بالثلاجه عشان مايفقد الماسك المواد اللي فيه . . والماسك مره خفيف ورقيق ابد مو سميك تحطيه ع البشره ويلصق مايطفشك وانتي تتحركين . . وتقدرين تتركين الماسك لاكثر من ساعه ساعتين عشان يعطي نتيجه اكثر 

.

البوكس يكون فيه اكثر من ماسك من اختيارك . . 

الاخضر الفاتح . . / بالطحالب البحريه 

ومعروف انو الطحالب البحريه او المواد البحريه جداً مفيده للبشره الدهنيه توازن الدهون بالبشره احطه على بشرتي بعد مااصحى من النوم واغسل بشرتي بغسول لاني اول ماصحى تكون بشرتي مدهنه شوي يشد البشره و يجففها نوعاً ما ف اذا شلته احط مرطب بعده بس مرطب خفيف عشان ماترجع الدهون لبشرتي 

الاخضر الغامق / البابونج 

انصح فيه للبشرات الحساسه مثل بشرتي جداً جمييل يهدي احمرار وحساسية البشره بدون مايجففها يعطي ترطيب حلو للبشره 

الاصفر / زيت شجرة الشاي 

اكثر قناع حبيته ومعروف الشاي للبشره سوا ماسكات كريمات او تشربينه

يشد البشره ويعطيها نضاره وترطيب ملحوظ ويهدي الاحمرار للبشره الحساسه عن نفسي حيل حبيته واكثر ماسك استخدمته اكثر من مره 

ماسكات العين . . عشششقتهم جد جد شفت نتايج ومفعول منهم واكيد برجع اخذ منهم . . والحلو فيهم خفيفين ويلصقون تحت العين ماينشالون

احطهم بالثلاجه واطلعهم واحطهم تحت عيوني دايم قناعات العين وكريماتها خليهم بالثلاجه البروده تشد البشره وتقلل الانتفاخ 

الازرق / قناع اللوتس 

اول ماتحطيه تحسي بقرصاات خفيفه بس مفعوله جمييييل قلل الانتفاخ لي وفتح لي منطقة تحت العين بشكل ملحوظ واعطاني ترطيب حلو 

استخدمته اربع ايام ورا بعض طبعاً ارجعه بالمغلف واحطه بالثلاجه واحياناً انام وهو تحت عيني 

ماسك الذهب /

جمييييييل جميل جميل يشد تحت العين ويقلل الانتفاخ ويعطي ترطيب انصح فيه للي عيونهم تعبانه او عندهم جفاف تحت العين يخطط معهم الكونسيلر او او قبل المناسبه حطيه ساعه وشيليه وحطي كريم للعين وشوفي النتيجه