كثيررر تجيني اسئله عن كيف اعتني بيديني عن سواد المفاصل او تطويل الاظافر او او . . انا للأمانه بشرتي بيضا وابد ماعانيت من سواد المفاصل واظافري تطول طبيعي بس لو كنتي تبين تحافظين على ايدينك . !
-الترطيب المستمر جداً جداً مهم كل ماغسلتي او كل ماحسيتي ايدك جافه رطبيها
-استخدام المرطبات الطبيه الغير معطره المرطبات المعطره لو تعرضتي للشمس وانتي حاطتها تسبب تصبغات بالبشره ( كيو في _ ستافيل ) كريمات غيره معطره وترطيبهم ممتاز
-كثرة الغسيل زي الملابس او المواعين تسبب جفاف وتشقق وبالايد وتكسر بالاظافر حاولي تخففين من الصابون المستخدم او تستخدمين صابون تركيزه مو قوي او تلبسين قفاز عشان تحافظين على ايدك قد ماتقدرين
-بعد الغسيل الترطيب
-البعض يسوي سنفره للايد عن نفسي مااحبها ولا اسويها احسها قويه على بشرة الايد يعني اكتفي فيها مره بالشهر لو كنتي محتاجه لها
-الماسكات اللي تحطينها على بشرتك اتركي لأيدك نصيب منها مثل ماتفيد بشرة وجهك بتفيد بشرة ايدينك
-استخدام المرطبات اللي تحتوي على حمايه من الشمس لو كنتي بتتعرضين للشمس جداً مهم
- الاظافر لتقويتهم او تطويلهم كثير يمدحون مافلا و سالي هونسون بالعنايه بالاظافر مافلا تلاقونها عند قزاز او بعض الصيدليات ، سالي هونسون سنتر بوينت ❤️
