البودره او الشدو للحواجب دايم تعطي نتيجه طبيعيه اكثر من القلم او الجل ومناسبه جداً للي حواجبها كثيفه وتبي تملي الفراغات فقط . .
بودرة ذا بالم :
الباكينج مرره جميل وصغير وعملي ماياخذ مساحه بالشنطه وفيه مرايا 👌
البودر متماسك مايتناثر
وثابت / البودر تكون اقل ثبات من الجل بس هاذي تبقى ثابته لأكثر من ثلاث ساعات حبيت هالشي فيها جداً
يتوفر بثلاث درجات
الدرجه اللي عندي دارك برون ( بني غامق ) بس انا صابغه حواجبي ف مايطلع غامق علي اللي تبي لون فاتح تاخذ الدرجه الاقل
سعره حلو 65 ريال تقريباً
متوفر اون لاين بموقعهم
او عند التاجرات
والبحرين / السيف
