استخدام الكونسيلر والكوريكتر المناسب #للهالات ،
الكوريكتر هو اللون المصحح للهالات لون الاورنج ، يغطي الهالات وينور منطقة تحت العين ومايقلب الكونسيلر رمادي
متوفر عند نكس ماك فور ايفر كرولاين ،
واللون الاورنج يستخدم للهالات الغامقه واللي ماتتغطى بالكونسيلر العادي ،
الهالات الفاتحه او الطبيعيه ممكن يقلب الكونسيلر رمادي ف تحتاجين مصحح بس مو اورنج مثل الهالات الغامقه ، استخدمي كونسيلر بيج مايل للاورنج انا دايم استخدم باليت #كوستال الالوان المحدده هي اللي استخدمها للهالات بما انو هالاتي فاتحه وهم درجات ف لما احس هالاتي واضحه اكثر استخدم لون اغمق واغطيه بكونسيلر بيج طبيعي ، او كونسيلر لا قيرل اغمق من لوني استخدمه اول وبعده كونسيلر فاتح 👌
والمصححات اللي ماتحتاج لها بشكل دايم يعني اللي هالاتها عاديه لا تتعب بشرتها بأستخدام كل شي بشكل يومي هالطريقه انا استخدمها للمناسبات والعزايم المهمه بس ،
والطريقه هاذي هم تستخدم للي عندها اسمرار حول الشفايف او كلف
- الخطوات :
ترطيب تحت العين وفوق الجفن
توزيع المصحح بالطبطبه بالاماكن اللي محتاجه تغطين اسمرارها
توزيع الكونسيلر المناسب للون بشرتك
اللي تستخدم مصحح اورنج تستخدم كونسيلر تغطيته عاليه عشان اللون الاورنج يتغطى
بالتوزيع تقدرين تستخدمين الفرشاه مع فكس بلس يسهل توزيع ودمج الكونسيلر ، او البيوتي بلندر او اسفنجة تكنيك تكون مبلوله وتدمجين الكونسيلر فيهم يعطي تغطيه جداً ممتازه وبدون خطوط او تكتل ،
البودره شي اختياري مو اساسي اللي حابه تثبت الكونسيلر او تحس انو الكونسيلر يخطط ويتكتل معاها بعد فتره تحط البودره اخر خطوه اللي عندي والمفضله لورا مارسيه شفافه طبيعيه جداً وماتغير لون الكونسيلر
واختيار الكونسيلر او البودر او التوزيع باللي ترتاحين عليه ومناسبك ❤️
